Rêberê Tevgera Sadir Mûqteda Sarir têkildarî şerê şeva borî ya li Kerbelayê çend biryar belav kir.

Sadir daxwaz ji hemû hêzên fermî û ne fermî yên Seraya Selam (Baskê leşkerî yê Tevgera Sadir e) kir ku li Parêzgeha Kerbelayê çekên xwe danin.

Hate ragihandin ku wê ji nû ve rêveberiya Seraya Selam ava bike û hemû wesayîtên taybet vekişînin.

Hêjayî bibîr xistinê ye şeva borî li Kerbelayê Koma Ezherî ya Tevgera Sadir cuda bûyî, bi çekdarên Seraya Sadir re ketin nava şer û di şer de gelek çekdar hatin kuştin û birîndar bûn. Piştre hêzên ewlekariyê destwerdan li bûyerê kir.